Thursday, April 29, 2010

തിരുവനന്തപുരം നിവാസികളുടെ ശ്രദ്ധക്ക്

തിരുവനന്തപുരവുമായി ബന്ധപ്പെട്ട വിഷയങ്ങള്‍ ചര്‍ച്ച ചെയ്യുന്ന ഒരു ക്ലോസ്ഡ് ഗ്രൂപ്പാണ് തിരുവനന്തപുരം ബ്ലോഗേഴ്സ് ഗ്രൂപ്പ്. കഴിഞ്ഞ കുറെ നാളുകളായി ഈ ഗ്രൂപ്പ് നീറി പുകയുകയായിരുന്നു. ഇന്‍ഡ്യന്‍ പ്രധാനമന്ത്രിയെയും, രാഹുല്‍ഗാന്ധി എം.പിയെയും, ശശിതരൂര്‍ എം.പിയെയും ഇത്രേം ചെറ്റകളാണോ എന്ന് മദ്രാസ് ഐഐടി യില്‍ പഠിക്കുന്ന പ്രതീഷ് പ്രകാശ് ഒരു പോസ്റ്റിട്ടതായിരുന്നു കാരണം. അതുമായി ബന്ധപ്പെട്ട് അഡ്മിന്‍ ഒരംഗമായിപ്പോയതുകാരണം ശശി തരൂരിനെ പിന്തുണക്കുവാനുള്ള വ്യക്തിപരമായ അവകാശം പോലും ചോദ്യം ചെയ്യപ്പെട്ടു. അഡ്മിനെതിരെ വര്‍ഷങ്ങളായി ഒളിയമ്പുകളെയ്യുന്ന റിയാദിനെയും പ്രതീഷ് പ്രകാശിനെയും ഗ്രൂപ്പില്‍ നിന്ന് അഡ്മിന്‍ നീക്കം ചെയ്തതോടെ പ്രശ്നങ്ങള്‍ രൂക്ഷമായി. അവസാനം അഡ്മിന് ഗൂഗിള്‍ ഗ്രൂപ്പിന്റെ ഗ്രൂപ്പ് ഉടമക്കുള്ള അവകാശങ്ങളും ഉത്തരവാദിത്വങ്ങളും തേടിയെടുത്ത് പ്രദര്‍ശിപ്പിക്കേണ്ടി വന്നു. ജനാധിപത്യത്തിന്റെ പേരും പറഞ്ഞ് അതും ചോദ്യം ചെയ്യപ്പെട്ടു. അതിന് ശേഷം ഗ്രൂപ്പിന്റെ പ്രവര്‍ത്തനത്തിന് ചിലരുടെ സഭ്യമല്ലാത്ത ഭാഷാ പ്രയോഗങ്ങളും, വ്യക്തി ഹത്യയും സഹിക്കാവുന്നതിനപ്പുറം കടന്നപ്പോള്‍ അവരുടെ അഭിപ്രായങ്ങള്‍ മോഡറേറ്റ് ചെയ്യപ്പെട്ടു.

എനിയ്ക്ക് പറ്റിയ പരാജയം അംഗങ്ങളുടെ ലിസ്റ്റ് എല്ലാ അംഗങ്ങള്‍ക്കും കാണത്തക്ക വിധം പ്രസിദ്ധീകരിച്ചതും അഡ്മിന്‍ ഞാനാണെന്ന് മനസിലാക്കാന്‍ അവസരം കൊടുത്തതുമാണ്. എഫ്ഇസിയിലെ മോഡറേറ്റര്‍ സാജന്‍ സര്‍ പറഞ്ഞപോലെ ഈ ഗ്രൂപ്പ് ഞാന്‍ തുടങ്ങിയത് കുറെ ഉദ്ദേശ ലക്ഷ്യങ്ങളോടെ ആയിരുന്നു. എന്നാല്‍ ഇന്നത് ആ ലക്ഷ്യങ്ങളില്‍ നിന്ന് അകന്ന് സ്വതന്ത്ര ചിന്താഗതിക്കാരായ കുറെയധികം സുമനസുകളുടെ കൂട്ടായ്മയി മാറി. അഷറഫ് പദ്ദണ്ണയെപ്പോലെ പ്രസ് ക്ലബില്‍ അംഗമായ ഒരു വ്യക്തി എന്നെ നേരിട്ട് വിളിച്ച് ഗ്രൂപ്പില്‍ നടക്കുന്ന ചര്‍ച്ചകള്‍ അലോസരപ്പെടുത്തുന്നു എന്ന് പറയുമ്പോള്‍ ഞാന്‍ നിസ്സഹായനായി മാറുകയായിരുന്നു പതിവ്. കാരണം ആംഗലേയ പാണ്ഡിത്യം കുറവായതുകാരണം യുക്തമായ രീതിയില്‍ കൈകാര്യം ചെയ്യുന്നതില്‍ പലപ്പോഴും പരാജയപ്പെട്ടു. അഡ്മിന്‍ അംഗവും കൂടി ആയപ്പോള്‍ സ്വന്തം അഭിപ്രായം പറയുവാന്‍ അവകാശവുമില്ലാത്ത ഒരംഗമായി മാറിപ്പോയി കേരളഫാര്‍മര്‍ എന്ന ഞാന്‍​.

ഇപ്പോള്‍ അതിന് മാറ്റം വന്നിരിക്കുന്നു. ഇത്രയും നാള്‍ ഗ്രൂപ്പില്‍ പ്രതികരിക്കാതിരുന്ന മയൂര അലമ്പുണ്ടാക്കുന്നവര്‍ക്ക് പിന്തുണയുമായി രംഗത്തെത്തി. അവസാനം അഡ്മിന്റെ പേര് പറഞ്ഞില്ല എങ്കില്‍ ഞാന്‍ തന്തയില്ലാത്തവനാണ് എന്ന നിലവരെ ആയി. അപ്പോഴാണഅ അഡ്മിന്റെ അനുവാദം വാങ്ങാതെതന്നെ ഡോ. എം.വി. നായരെ അഡ്മിനാക്കിയത് പരസ്യപ്പെടുത്തിയത്. സ്വന്തമായി അഭിപ്രായങ്ങള്‍ ഉണ്ടെങ്കില്‍ അതിന്റേതായ രീതിയില്‍ പ്രകടിപ്പിക്കാനും ഗ്രൂപ്പിനെ നിയന്ത്രിക്കാനും പുതിയ അഡ്മിനായി ഡോ. എം. വേലായുധന്‍ നായര്‍ (മുന്‍ ആര്‍ക്കിയോളജി ഡയറക്ടര്‍​) ചുമതലയേറ്റു. പിന്നീടാണറിയുന്നത് ഗ്രൂപ്പിലെ സജീവ സാന്നിധ്യം അജയ് പ്രസാദ് എം.വി നായരുടെ സണ്‍ ഇന്‍ ലായാണെന്ന്. ഈ ഗ്രൂപ്പിലേക്ക് പ്രധാനമന്ത്രി ഇത്രേം ചെറ്റയാണോ എന്ന് പോസ്റ്റിട്ട പ്രതീഷ് പ്രകാശിനും അഡ്മിനെതിരെ ഒളിയമ്പുകള്‍ എയ്ത റിയാദിനും ഈ ഗ്രൂപ്പില്‍ സ്ഥാനമില്ല എന്നുമാത്രമല്ല അലുമ്പുണ്ടാക്കുന്നവരുടെ എല്ലാം കമെന്റുകളും മോഡറേറ്റ് ചെയ്യപ്പെടും എന്നതാണ് ഇപ്പോഴത്തെ തീരുമാനം. മാന്യമായ ഭാഷയിലും വ്യക്തി ഹത്യ നടത്താതെയും വരുന്നവ മാത്രമേ അത്തരക്കാരില്‍ നിന്ന് വെളിച്ചം കാണൂ. അല്ലാതെ ഈ ഗ്രൂപ്പില്‍നിന്ന് നീക്കിയവരെ തിരിച്ചെടുക്കൂ ഞങ്ങള്‍ അവിടെ വന്നു കാട്ടിത്തരാം എന്ന് ഭീഷണിപ്പെടുത്തുന്ന സെബിനെപ്പോലുള്ളവര്‍ വെളിയില്‍ക്കിടന്ന് കുരക്കുകയേ ഉള്ളു. പക്ഷെ അവര്‍ക്കെല്ലാം ഇവിടെ നടക്കുന്ന ആരോഗ്യകരമായ ചര്‍ച്ചകളുടെ മെയിലുകള്‍ ലഭിച്ചുകൊണ്ടേ ഇരിക്കും. പദ്ദണ്ണ കുറെ പത്രപ്രവര്‍ത്തകരെക്കൂടി ഇവിടേക്ക് ക്ഷണിച്ചിട്ടുണ്ട്. തരൂരിനെ വന്‍ ഭൂരിപക്ഷത്തില്‍ ജയിപ്പിച്ച സ്വതന്ത്ര ചിന്താഗതിക്കാര്‍ കൂടി ഉള്‍പ്പെട്ട ഒരു കൂട്ടായ്മ കൂടിയാണിത്.
ഹര്‍ത്താലിനെതിരെ പ്രതികരിക്കുവാനും വേണ്ടി വന്നാല്‍ അടുത്ത ഹര്‍ത്താല്‍ ദിനത്തില്‍ നേരിട്ട് സേവനങ്ങളുമായി രംഗത്തിറങ്ങുവാനും ചിലര്‍ ഒത്തുചേര്‍ന്നെന്നും വരും. അര്‍ദ്ധ സത്യങ്ങള്‍ പ്രസിദ്ധീകരിക്കുന്ന കേരളവാച്ചുപോലുള്ള സൈറ്റിന്റെ നടത്തിപ്പുകാര്‍ എന്തിനിവിടെ അലമ്പുണ്ടാക്കാന്‍ ശ്രമിക്കുന്നു. വരുണ്‍ രമേശ് അഡ്മിനെതിരെയുള്ള കമെന്റുകളുമായി ഓടുന്നു. നടക്കില്ല സുഹൃത്തുക്കളെ ഞങ്ങളുടെ ഇടയില്‍. കഴിഞ്ഞദിവസം സണ്‍ഡേ ഇന്‍ഡ്യനില്‍ പ്രസിദ്ധീകരിക്കാനെന്ന് പറഞ്ഞ് ഫോണില്‍ ബന്ധപ്പെട്ട് തരൂരിന്റെ വാഗ്ദാനങ്ങള്‍ എന്തൊക്കെ ആയിരുന്നു എന്ന് അനു വാര്യര്‍ ചോദിച്ചത് സദുദ്ദേശത്തോടെയല്ല എന്നെനിക്കറിയാം. എന്റെ വായില്‍ നിന്ന് വീഴുന്നത് വെച്ച് തരൂരിനെ എന്റെ ശത്രു ആക്കണം. അതും നടക്കില്ല സുഹൃത്തേ.
സിഎന്‍ആര്‍ നായരെപ്പോലെ ഗൂഗിള്‍ മാപ്പിംഗില്‍ പ്രാവീണ്യമുള്ള വ്യക്തിയും, കുറെനാളുകളായി അകന്നുനിന്ന കെജികെയും, മുന്‍ കേന്ദ്രമന്ത്രി എസ്.കൃഷ്ണകുമാറും, ശശി തരൂര്‍ എംപിയും, സര്‍ക്കാര്‍ ഖജനാവ് ചോര്‍ച്ച കണ്ടെത്തുന്ന ചന്ദ്രകുമാറും, ബിആര്‍​പിയും, പ്രസിദ്ധ ഗൈനോക്കോളജിസ്റ്റും ചരിത്രസത്യങ്ങളുടെ രചയിതാവായ ഡോ. കാനം ശങ്കരപ്പിള്ളയും, പ്രസ്തുത ട്രിവാന്‍ഡ്രം ബ്ലോഗേഴ്സ് എന്ന കൂട്ടായ്മ ശക്തിയും പ്രസിദ്ധിയും കൈവരിക്കും എന്ന കാര്യത്തില്‍ സംശയമുണ്ടോ? കേരള സര്‍ക്കാരിന്റെ കീഴില്‍ അന്തരിച്ച ലാറി ബേക്കര്‍ ഇരുന്ന കസേരയില്‍ ഇരിക്കുന്ന ഡോ. എം.വി നായര്‍ ഞങ്ങള്‍ക്ക് "ശശി തരൂര്‍ പാര്‍ട്ടിയുടെ അസെറ്റ് ആണെന്ന്" പറഞ്ഞ രാഹുല്‍ ഗാന്ധിയെപ്പോലെ ഞങ്ങളും പറയും ഡോ. എം.വി. നായര്‍ തിരുവനന്തപുരം ബ്ലോഗേഴ്സ് ഗ്രൂപ്പിന്റെ അസെറ്റ് ആണെന്ന്. ഇവിടെ അലമ്പുണ്ടാക്കിയിട്ട് മാന്യന്മാര്‍ ചമയുന്ന ചിലര്‍ എഫ്ഇസിയില്‍ മര്യാദക്കാരാണ്. കെജികെക്കെതിരെ സെബന്‍ സഭ്യതയില്ലാത്തരീതിയില്‍ പ്രതികരിച്ച അവസരത്തിലാണ് രാജേഷ് ടിസി ഈ ഗ്രൂപ്പില്‍ ശശി തരൂര്‍ വിഷയങ്ങള്‍ മാത്രമോ ഉള്ളോ എന്നാരോപിച്ചുകൊണ്ട് പരിഞ്ഞുപോയത്. വെളിയില്‍ നിന്നും ഇവിടെ നടക്കുന്ന ചര്‍ച്ചകള്‍ അനന്തന്‍ ആഴ്ചവെട്ടത്തില്‍ നിന്ന് കൃത്യമായി അറിഞ്ഞുകൊണ്ടേയിരുന്നു. അവസാനം ഇവിടെ പ്രശ്നം രൂക്ഷമായപ്പോള്‍ അനന്തനെക്കൊണ്ട് അസഭ്യവര്‍ഷം തന്നെ സ്വബോധ മില്ലാത്ത അവസ്ഥയില്‍ ചെയ്യിച്ചു. പക്ഷെ ബോധം തെളിഞ്ഞപ്പോള്‍ മാപ്പ് പറഞ്ഞതുകാരണം ഇപ്പോഴും അനന്തന്‍ ഗ്രൂപ്പില്‍ സര്‍വ്വ സ്വാതന്ത്ര്യവുമുള്ള അംഗമാണ്. ദീപക് ശങ്കര നാരായണന്‍ FEC യില്‍നിന്ന് ആട്ടിയോടിച്ച മാന്യനായ ചന്ദ്രകുമാറിനെപ്പോലെയാണ് ഞാനെന്ന് പ്രസ്തുത ഗ്രൂപ്പുകാര്‍ തെറ്റിദ്ധരിച്ചെങ്കില്‍ നിങ്ങള്‍ക്ക് തെറ്റി ആനയുടെ തൊലിക്കട്ടിയുള്ളവനും ഇന്റെര്‍നെറ്റില്‍ സഭ്യമായ ഭാഷ ഉപയോഗിക്കുന്നവനും ആണ് ഞാനെന്ന് ധൈര്യമായി ഞാന്‍ പറയും.
ഇന്ന് തിരുവനന്തപുരം ബ്ലോഗേഴ്സ് ഗ്രൂപ്പില്‍ പതിമുന്നു വയസ്സുകാരന്‍ മുതല്‍ പ്രായം കൂടിയ എഴുപത്തിയേഴ് വയസ്സുള്ള ബ്ലോഗര്‍മാര്‍ വരെ ഈ കൂട്ടായ്മയില്‍ അംഗങ്ങളാണ്. പ്രായത്തിനും സ്ഥാനമാനങ്ങള്‍ക്കും ഈ ഗ്രൂപ്പിലുള്ളവര്‍ ബഹുമാനപുരസരം സംബോധന ചെയ്യുവാനും അവര്‍ക്കെതിരെ ചൊറിയുന്ന കമെന്റുകള്‍ അല്ലെങ്കില്‍ വ്യക്തിഹത്യ നടത്താതെ മാന്യമായ ഭാഷയില്‍ പ്രതികരിക്കാന്‍ തയ്യാറാവും എന്ന കാര്യത്തില്‍ ആര്‍ക്കും സംശയം വേണ്ട. അഡ്മിന്‍ സ്ഥാനം ഉപേക്ഷിച്ച എനിക്ക് മാനേജര്‍ സ്ഥാനം ധാരാളം മതി. പുതുതായി വരുന്ന അംഗങ്ങളെ സ്വാഗതം ചെയ്യുവാനും മോഡറേറ്റ് ചെയ്തിരിക്കുന്നവരുടെ സഭ്യമായ പ്രതികരണങ്ങള്‍ ഗ്രൂപ്പിലേക്ക് തിരിച്ചുവിടാനും തല്കാലം അത് കൂടിയേ തീരൂ.
ഞാന്‍ എഫ്ഇസിയിലും അംഗമായിത്തന്നെയുണ്ടാവും. അല്ലാതെ ഗുഡ് ബൈയും പറഞ്ഞ് ഇറങ്ങിയിട്ട് ഈ ഗ്രൂപ്പില്‍ മെയിലയക്കുകയും മോഡറേറ്റ് ചെയ്യുമ്പോള്‍ ഇടനിലക്കാരനെ തേടുകയും ചെയ്യുന്ന സെബിനെപ്പോലെ ഒരു "ചെറ്റ അല്ല ഞാന്‍​". ആ ഇടനിലക്കാരന്റെ മെയിലുകളും മോഡറേറ്റ് ചെയ്യപ്പെടും അത്രതന്നെ.

27 comments:

ചന്തു said...

sebinte blogukal vayikuayum orupadu commentkal kanukayum palathineyum chodyam chyukayum chythirundu. But orikalum asabhyamayi savadikunathu kanditila. will u plz provide those links too ? Also it is making feel that the group is showing some twist towards right politics.

Vipin vasudev said...

മാഷെ,
നമ്മുടെ ബ്ലോഗ്‌ സൈറ്റുകള്‍ ഇത്രക്കും ചീഞ്ഞു നാറുന്നുണ്ട് എന്നെനിക് അറിയിലാരുന്നു.
ഓഫീസിലെ തിരക്കില്‍ ഒരു ആശ്വാസം മാത്രമായാണ് ഞാന്‍ ബ്ലോഗ്‌ ഇതുവരെ കണ്ടിട്ടുളത്....

കൂട്ടം എന്ന സൈറ്റിലെ തോന്നിവാസങ്ങള്‍ മടുത്തു അവിടം വിട്ടിരങ്ങിയവനാണ് ഞാന്‍ ....
ഇനി ബ്ലോഗും ഉപേഷിച്ച് വേറെ വല്ല പണിയും നോകേണ്ടി വരുമോ എന്നാ സങ്കടം ഉണ്ട് ഇപ്പൊ.

മയൂര said...

ഹ ഹ ഹ...വാട്ട് എ പിറ്റി മിസ്റ്റർ ഫാർമർ.

പ്രൈവറ്റ് ഗ്രൂപ്പ്/ക്ലോസ്ഡ് ഗ്രൂപ്പ്, ഐ.ടി. ലോ, ഗ്രൂപ്പ് ഓണേഴ്സ് റൈറ്റ്സ് ആന്റ് റെസ്പോൺസിബിലിറ്റി, പൊടിപ്പ് തോങ്ങല്ല്, കക്കരി..പിച്ചടി..ഗ്വോ.ഗ്വോ..ഗ്വോ...എല്ലാം പ്രസംഗിച്ച് ഗ്രൂപ്പിനകത്ത് പുകച്ചു ചാടിച്ച പാമ്പിനെ പോലെ ഞെരിപിരികൊണ്ട് റൂട്ട് മാറിയാണോ മിസ്റ്റർ ഫാർമർ, താങ്കൾ പ്രൈവറ്റ് ഗ്രൂപ്പിലെ വിഴുപ്പലക്കൽ ബ്ലോഗ് പോലൊരു പബ്ലിക്ക് മീഡിയത്തിൽ കൊണ്ടുവന്നിട്ടത്.

അതും തിരോന്തരം പയ്യലുകളുടെ ശ്രദ്ധയ്ക്കെന്ന് തലക്കെട്ടോടെ!!!

ഹ...ഹ..ഹ.. തിരോന്തരത്തെ എല്ലാം പയ്യലുകളും ദാ..ദിപ്പോ വന്ന് കുമ്പിട്ട് റാൻ മൂളും.

(ഇതു ഡെലീറ്റ് ചെയുമല്ലോ അല്ലെ? അതോ കമന്റ് മോഡറെഷനുണ്ടോ? അതുമല്ലെങ്കിൽ ബ്ലോഗ് റാൻ മൂളികൾക്ക് മാത്രം തുറന്നു വയ്ക്കുവാനും ഇവിടെ വകുപ്പുണ്ടേ...)

keralafarmer said...

ഒരേ ഒരുത്തരം മേലില്‍ തിരുവനന്തപുരം ബ്ലോഗേഴ്സ് ഗ്രൂപ്പില്‍ പ്രോഗ്രസീവായിട്ടുള്ള ചര്‍ച്ചകള്‍ ഉണ്ടാവും. കുറച്ച് നല്ല ആളുകള്‍ അതില്‍ ആക്ടീവ് ആയിട്ടുണ്ട്. മയൂരക്ക് ഫാര്‍മറോടുള്ള പുച്ഛം മനസ്സിലായി. നന്ദിയുണ്ട്. സെബിന്‍ ഒരിക്കലും അസഭ്യം പറഞ്ഞിട്ടില്ല. പക്ഷെ പറഞ്ഞവന് കാവല്‍ നില്‍ക്കുന്നു.

Umesh::ഉമേഷ് said...

ഇതു തിരുവന്തോരം ഗ്രൂപ്പിൽ മാത്രമായി ഒതുങ്ങി നിൽക്കേണ്ട കാര്യമല്ലെന്നു തിരിച്ചറിഞ്ഞു് ബ്ലോഗിൽ പ്രസിദ്ധീകരിച്ച കേരളാ ഫാർമറുടെ ഔചിത്യബോധത്തെയും ആദർശധീരതയും വകതിരിവിനെയും എത്ര പ്രശംസിച്ചാലും മതിയാവില്ല. പക്ഷേ, ഇതു പോരാ. ഇതു വിക്കിപീഡിയയിൽ പോകേണ്ടതാണു്. പണ്ടു റബ്ബറിന്റെ കണക്കൊക്കെ വിക്കിയിൽ ഇട്ട ഫാർമർ തന്നെ ദയവായി ഇതു വിക്കിപീഡിയയിലും ഇടണം. തിരുവനന്തപുരം എന്ന പേജിൽ തന്നെ ആയിക്കോട്ടേ. എല്ലാവരും പ്രബുദ്ധരാകട്ടേ...

സുനിൽ കൃഷ്ണൻ(Sunil Krishnan) said...

ഫാര്‍മര്‍ ചേട്ടാ,

തിരുവനന്തപുരം ഗ്രൂപ്പില്‍ എന്തു നടക്കുന്നു എന്നെനിക്കറിയില്ല.പക്ഷേ “ചെറ്റ”എന്ന വാക്കുപയോഗിച്ച പ്രതീഷിനെ പുറത്താക്കിയ താങ്കള്‍ തന്നെ സെബിനെ അതേ വാക്കുപയോഗിച്ച് വിശേഷിപ്പിച്ചത് ശരിയാണോ?

സെബിന്‍ കുരക്കുന്നു എന്നു പറയുമ്പോള്‍ എന്താണു അര്‍ത്ഥമാക്കേണ്ടത്?

തരൂര്‍ ഫാന്‍സിന്റെ ജനാധിപത്യം കൊള്ളാം.

ആശംസകള്‍

keralafarmer said...

ഉമേഷേ താങ്കളെപ്പോലുഷ്ഷ പാണ്ഠിത്യം എനിക്കില്ല. പിന്നെ വിക്കിയുടെ കാര്യം. തിരുവനന്തപുരം എന്ന് സെര്‍ച്ച് ചെയ്താല്‍ ഈ ഗ്രൂപ്പുമായി ബന്ധപ്പെട്ട സൈറ്റിലേക്ക് നേരിട്ട് വരുന്നതല്ലെ നല്ലത്? റബ്ബര്‍ റിലേറ്റദായുള്ള സെര്‍ച്ചുകള്‍ ഒന്നു ചെയ്തുനോക്കൂ. ഗൂഗിളില്‍ ത്തന്നെ ജോലി ഉള്ളതിനാല്‍ നല്ലരീതിയില്‍ മനസ്സിലാവുകയും ചെയ്യും. പിന്നെ ഈ വിഴുപ്പലക്കല്‍ പരസ്യമാക്കിയത്. ന്യൂ ഇന്‍ഡ്യന്‍ എക്സ്‌പ്രസിലെ ആശയെപ്പോലെ എന്റെ മകളുടെ പ്രയാത്തിലുള്ള പെണ്‍കുട്ടികളും ആ ഗ്രൂപ്പില്‍ ഉള്ളതിനാലാണ്. അഷറഫ് പദ്ദണ്ണ ഇരുപത്തിനാലു മണിക്കൂറും കമ്പ്യൂട്ടറില്‍ ഢസ്ക് ടോപ് മെയില്‍ ഓപ്പണ്‍ ചെയ്തിട്ടിരിക്കുന്ന വ്യക്തിയാണ്. അതിനാല്‍ അദ്ദേഹത്തിന്റെ മക്കള്‍ ഇത്തരം മലയാളം വായിക്കുന്നതില്‍ അദ്ദേഹത്തിന് ബുദ്ധിമുട്ടുണ്ട് എന്ന് എന്നോട് പറഞ്ഞിരുന്നു. ബ്ലോഗിലാവുമ്പോള്‍ അദ്ദേഹത്തിന്റെ മക്കള്‍ വായിക്കില്ല നിങ്ങളെപ്പോലെ വിവരമുള്ളവര്‍ അത് വായിക്കും.
സുനില്‍ കൃഷ്മന്‍ സോറി സെബിന്‍ കുരക്കുന്നു എന്നെഴുതിപ്പോയത് ആംഗലേയത്തിലെ ഷൌട്ടിംഗ് എന്ന അര്‍ത്ഥത്തിലാണ്. തിരുത്തിവായിക്കുക. ചെറ്റ ഞാനാണ് അതാണ് കൊട്ടേഷന്‍ ഇട്ടത്.

ചന്തു said...

സെബിനെ പോലെ ആക്റ്റീവായ ഒരു ബ്ലോഗ്ഗറെ ഒരാളെ സപ്പോര്‍ട്ട് ചെയ്തു എന്ന കാരണത്താല്‍ മാത്രം പുറത്താക്കുന്നതാണോ ശരി.
എന്റെ അറിവില്‍ അവിടെ രണ്ടുപക്ഷം ചേര്‍ന്നാണ് വാഗ്വാദം നടന്നത് (ലിങ്കുകളോ സ്ക്രീനുകളോ ഇതുവരെ കണ്ടിട്ടില്ല). അപ്പോള്‍ സ്പാം അല്ലാത്ത ഒരുമെന്‍ബറെ നിക്പക്ഷമായ ഒരുചര്‍ച്ചയിലൂടെ പുറത്താക്കുന്നതല്ലേ നല്ലത്. ഗൂഗിള്‍ നിയമം കൊണ്ടുവന്നിരിക്കുന്നത് സ്പാം, ആഡ് പബ്ലിസിറ്റി എന്നിവ പരത്തുന്ന മെംബര്‍മാരെ തടയാന്‍ എന്നാണ് എന്റെ അറിവ് (മറ്റുഗ്രൂപ്പുകളിലെ അനുഭവം വച്ച്).
സേബിന്റെ കാര്യത്തില്‍ വേറെ ഒരുപ്രത്യേകത ഉള്ളത് അയാളുടെ പോസ്റ്റ് ഫില്‍റ്റര്‍ചെയ്യുന്നു എന്നതാണ് (ഏതാണ്ട് ചൈനീസ് ഫയര്‍വാള്‍ പോലെ). ഗ്രൂപ്പിലെ അംഗളുടെ സ്വാതന്ത്ര്യം ഹനിക്കാത്ത ഒരുതീരുമാനം പ്രതീക്ഷിക്കുന്നു. പ്രത്യേകിച്ചും ഈ ഗ്രൂപ്പ് ഐഡി പ്രൈവറ്റ് ആക്കി വക്കേണ്ടതല്ല എന്ന ധാറ്മ്മിക ബോധവും ഉണ്ട് എന്ന് മനസ്സിലാക്കും എന്ന് കരുതുന്നു (ബ്ലോഗ്ഗില്‍ വായിച്ചു ഒരു പ്രത്യേക ലക്ഷ്യത്തോടെ തുടങ്ങിയതാണെന്ന്). മറ്റുകമന്റുകള്‍ മൊഡരേറ്ററെ ടാര്‍ഗറ്റ് ചെയ്യുന്നതായി കാണുന്നു. അതു ക്രിയാത്മകമായ ഒരുതീരുമാനത്തിന് സഹായിക്കും എന്ന് കരുതുന്നില്ല. വ്യക്തി പരമായ ആക്രമണങ്ങളില്‍ നിന്ന് ആശയപരമായ സംവാദങ്ങള്‍ക്ക് കഴിയട്ടെ. മൂന്നാം കിട പാര്‍ട്ടിപ്രവര്‍ത്തകന്റെ ചിന്തയില്‍ നിന്ന് എല്ലാവരും ഉയരട്ടീന്ന പ്രതീക്ഷയോടെ..

ചന്തു said...

വളരെ പബ്ലിക് ആവേണ്ട ഈ ബ്ബ്ലോഗ്ഗിലും മോഡറേഷന്‍ വേണ്ട എന്നാണ് എന്റെ പക്ഷം.

CarbonMonoxide said...

ഇത് വെറും തറപ്പരിപാടിയായിപ്പോയല്ലോ ? തന്റെ അഭിപ്രായത്തിനെ ഖണ്ഡിക്കുന്ന ആള്‍ക്കാരെ മോഡറേറ്റ് ചെയ്യുക , കൊള്ളാം - classic behavior of someone who is not fit to be an admin. പിന്നെ കമ്പ്യൂട്ടറില്‍ മലയാളം വായിച്ചു ചീത്തയാവുന്ന പിള്ളേരാണ് ഈ തിരോന്തരത്തുള്ളതെന്ന് എനിക്ക് തോന്നുന്നില്ല. ഈ പറഞ്ഞ "ചെറ്റ" യെക്കാളും നല്ല മുഴുപ്പുള്ള തെറികള്‍ ആണ് സിനിമയിലും സീരിയലിലും ഒക്കെ ( ഉദാ: ഗോഡ്ഫാദര്‍ എന്ന ചിത്രത്തില്‍ പുലയാടിമകന്‍ എന്ന പ്രയോഗം, പ്ക്ഷെ സിനിമ എല്ലാ പ്രായക്കാര്‍ക്കിടയിലും ഹിറ്റാ )- അതൊന്നും പിള്ളേര്‍ കാണില്ല ? ഇനി ഈ ലോകത്തേ തെറി ഒന്നും കേള്‍പ്പിക്കുകേം കാണിക്കുകേം ചെയ്യാതെ പിള്ളേരെ വളര്‍ത്തുന്നത് പ്രതിരോധകുത്തിവെപ്പ് എടുക്കാതെ വളര്‍ത്തുന്ന കുഞ്ഞുങ്ങളെ വളര്‍ത്തുന്നത് പോലെയാ. ഇങ്ങനെ പോയാല്‍ ബഷീര്‍ കൃതികളും മലയാളത്തില്‍ വായിക്കാന്‍ കൊള്ളാവുന്ന മറ്റൊരുപാട് കേതികളും താങ്കള്‍ നിരോധിച്ചു കളയുമല്ലോ അഡ്മിനേ !

സ്വന്തം അഭിപ്രായത്തെ എതിര്‍ത്തത് ഇഷ്ടപ്പെട്ടില്ലെങ്കില്‍ അതു പറഞ്ഞാല്‍ പോരെ ?

keralafarmer said...

ചന്തു,
മോഡറേഷന്‍ വച്ചത് ചൈനീസ് ലാംഗ്വേജിലും മറ്റുമുള്ള കമെന്റുകള്‍ കടന്നു കൂടുന്നതിനാലാണ്. സഭ്യമായ ഭാഷയിലെഴുതുന്ന കമെന്റുകള്‍ മോഡറേഷനെ അതിജീവിക്കും. അസഭ്യം എഴുതിയാല്‍ വെളിച്ചം കാണുകേം ഇല്ല. ഇത് പബ്ലിക്കായി പ്രദര്‍ശിപ്പിക്കുന്നു എങ്കിലും ക്ലോസ്ഡ് ഗ്രൂപ്പിനുവേണ്ടിയാണ്. ഗ്രൂപ്പില്‍ നടക്കുന്ന പ്രയോജനപ്രദമായ ചര്‍ച്ചകളുടെ പരിണിതഫലം പോസ്റ്റില്‍ വരും. ഉദാ: ബ്രിഗേഡിയര്‍ വര്‍ഗ്ഗീസ് അവതരിപ്പിച്ച മോണോറയില്‍ എന്ന പ്രോജക്ട്. അത് ഗ്രൂപ്പിലെ അംഗമായ ആശ പി നായര്‍ ന്യൂ ഇന്‍ഡ്യന്‍ എക്സ് പ്രസ്സില്‍ പ്രസിദ്ധീകരിക്കുകയും ചെയ്തു.

keralafarmer said...

വാസുദേവ്,
താങ്കളുടെ വേദന പൂര്‍മമായും ഉള്‍ക്കൊള്ളുന്നു. ഓഫീസ് തിരക്കില്‍ ആശ്വാസം പകരത്തക്ക രീതിയിലുള്ള പോസ്റ്റുകള്‍ ഇവിടെ ഉണ്ടാവും എന്ന് പ്രതീക്ഷിക്കുക. എന്റെ ആത്മാര്‍ത്ഥമായ ശ്രമം അതിനുവേണ്ടിയായിരിക്കും.

keralafarmer said...

classic behavior of someone who is not fit to be an admin.
അതെ ഞാന്‍ സമ്മതിക്കുന്നു.
ഗ്രൂപ്പില്‍ പിള്ളേര്‍ വായിക്കാന്‍ പാടില്ലാത്ത തെറിയഭിഷേകം സ്വബോധമില്ലാതെ പ്രസിദ്ധീകരിച്ചത് തല്കാലം ഞാന്‍ ആവര്‍ത്തിക്കുന്നില്ല. അത് ഡിലീറ്റ് ചെയ്യാതെ ഗ്രൂപ്പില്‍ ഉണ്ട്. അംഗങ്ഹള്‍ക്ക് വായിക്കാം. ഇപ്പോള്‍ ഇംഗ്ലീഷ് മീഡിയം കുട്ടിയാണ് ഉള്ളത്. മലയാളം മീഡിയത്തിലെ കുട്ടികള്‍ വരുകയാണെങ്കില്‍ അത് ഡിലീറ്റ് ചെയ്തിട്ടേ അംഗമായി ചേര്‍ക്കൂ.

keralafarmer said...

ഉമേഷിന് വായിക്കുവാന്‍

CarbonMonoxide said...

of course calling Sebin "ചെറ്റ" does'nt amount to തെറിയഭിഷേകം - i am curious as to know whether your dictionary of "തെറി" includes a list people to whom it is applicable and to whom its not.

The fact that you are calling people on phone to invite them to join the group, post this "disaster" itself is indicative of the kind of deluded thinking that people carry around. I was tempted to say "Fuck off" on the phone btw. That would've actually been offensive.

ചന്തു said...

സെബിന്റെ പോസ്റ്റ് അവിടെ ഫില്‍റ്റര്‍ ചെയ്തതിന്റെ ആണ് പറഞ്ഞത്.(എന്നെഉള്‍പ്പെടെ)
ബാന്‍ ചെയ്തതിനാല്‍ ആ ചോദ്യത്തിന് ഇനി പ്രസക്തിയില്ല.

keralafarmer said...

ബാക്കി പുതുതായി ഗ്രൂപ്പില്‍ വരുന്നവര്‍ക്ക് ഒരു അറിയിപ്പ് എന്ന പോസ്റ്റ് ഇവിടെ വായിക്കാം

Kaippally said...

കേരള ഫാർമ്മർ

ഇവിടുത്തെ ഒരു തല മൂത്ത ഒരു ബ്ലോഗർ ആയ അണ്ണനെ ഇവുടുത്തെ തലതെറിച്ച ഞാൻ തന്നെ ഉപദേശിക്കേണ്ട നാണക്കേടു വരുത്തിവെച്ചു:

യവമ്മാരു് ഒരുത്തനും നിങ്ങളെ ഗവിനിക്കാത്തതിന്റെ കാരണം എന്തെരാണെന്നു എപ്പഴെങ്കിലും അണ്ണൻ ചിന്തിച്ചിട്ടൊണ്ട?

ഇങ്ങനെ ഒരു ഗ്രൂപ്പ് ഒള്ളതു് ഞാൻ അറിയാത്തതു് നന്നായി. അല്ലെങ്കിൽ അബദ്ധവശാൽ ചേരുമായിരുന്നു.


അണ്ണ എന്നാണു് തിരോന്തരം അണ്ണന്റേം എട്ടുവീട്ടിൽ പിള്ളമാരേം മാത്രം നഗരമായതു്. ചാല കമ്പോളത്തിലൊള്ള ഏതെങ്കിലും ഒരുത്തൻ ഈ ഗ്രൂപ്പിൽ ഒണ്ട?

പൂന്തറ, പേട്ട, വഞ്ചിയൂർ ഏരിയായിലൊള്ള ആരെങ്കിലും ഇതിൽ ഒണ്ട?

അതെല്ലാം പോട്ട്. ശ്രീ ചേരമാൻ പെരുമാൾ ജനിച്ച പ്രദേശമാണു എന്നു ആദ്യം പ്രഖ്യാപിച്ച ശ്രീ Socrates പറഞ്ഞിട്ടുള്ള കണിയാപുരത്തു് നിന്നും ആരെങ്കിലും ഇതിൽ ഉണ്ടോ?

തിരോന്തരത്തൊള്ളവമ്മാരെല്ലാം അലമ്പാണെന്നു എല്ലാരെക്കൊണ്ടും പറയിപ്പിക്കണതു് വളര വളര മ്വാശം.

പിന്ന ഒരു കാര്യം:

അണ്ണൻ റബ്ബർ കൃഷി നിർത്തി ആൽ മുളപ്പിച്ചു തുടങ്ങി എന്നു ചെലരെക്ക പറയണു്. മ്വാശം അണ്ണ മ്വാശം.
ആളുകളെ കൊണ്ടു ഇങ്ങന പറയിപ്പിക്കല്ലെ !

Kaippally said...

കുറ്റമാണു അണ്ണ കുറ്റമാണു. മാപ്പില്ലാത്ത കുറ്റമാണു്. (Google Map അല്ല)

അണ്ണൻ പറയുന്നു ചില അംഗങ്ങൾക്ക് പ്രായപൂർത്തി ആയിട്ടില്ല എന്നു. അതു് ഗൂഗിളിന്റെ നിയമ പ്രകാരം കുറ്റമാണു അണ്ണ കുറ്റം.


http://www.google.com/accounts/TOS

"2.3 You may not use the Services and may not accept the Terms if (a) you are not of legal age to form a binding contract with Google, or (b) you are a person barred from receiving the Services under the laws of the United States or other countries including the country in which you are resident or from which you use the Services."

Kaippally said...

തിരുവനന്തപുരത്തെ സാംസ്കാരിക നായകനും, ഞങ്ങളുടെ ഗോത്രഭാഷ പുനരുദ്ധാരണ committee chairmanഉം ആയ ശ്രീ സ്വരാജ് വെഞ്ഞാറമൂട് ഇല്ലാതെ .. യന്തോന്നു ഗ്രൂപ്പ് അണ്ണ യിതു്?


word veru = "ullate"

keralafarmer said...

കൈപ്പള്ളിക്ക് സമാധാനം ആയാ.

absolute_void(); said...

പ്രതീഷിന്റെയും മരത്തലയന്റെയും പോസ്റ്റുകള്‍ കണ്ടിരുന്നോ? സിയയുടെ ബസും ഉണ്ടായിരുന്നു.

nalan::നളന്‍ said...

ഞാന്‍ ചെറ്റക്കുടിലിലാണു ജനിച്ചു വളര്‍ന്നത്, അതായത് ചെറ്റ തന്നെ. ഈ വാക്കിനു വന്ന പരിഹാസച്ചുവയ്ക്കു പിന്നില്‍ വരേണ്യ വര്‍ഗ്ഗ മാടംബിത്തത്തിന്റെ സ്വാധീനമാണെന്നു മനസ്സിലാക്കാത്തവര്‍ ഇവിടെയൊക്കെ ഉണ്ടന്നു മനസ്സിലായി.
അപ്പൊ പിന്നെ തറവാടിത്തം , കുലമഹിമ, സവര്‍ണ്ണത ഒക്കെ അലക്കി പുറത്തെടുക്കാന്‍ വൈകിക്കേണ്ട !! വേഗമാകട്ടെ

കെ said...

സെബിനും പ്രതീഷിനും റിയാദിനുമൊക്കെ കുറച്ച് വിവരമുണ്ടെന്നാ കരുതിയിരുന്നത്.. അവരൊക്കെ ഈ ഗ്രൂപ്പിലെ അംഗങ്ങളായിരുന്നുവെന്ന് അറിഞ്ഞപ്പോള്‍ എല്ലാ ബഹുമാനവും പോയി. കഷ്ടം..

keralafarmer said...

മാരീചന്റെ പഴയ ദാറ്റ്സ്‌മലയാളത്തിലെ ബോസിനെ ഈ ഗ്രൂപ്പില്‍ അംഗമാക്കിയിട്ടുണ്ട്. തല്കാലം അതു മതി അല്ലെ?

ടി.സി.രാജേഷ്‌ said...

വഴിയേ പോകുന്നവരെയൊക്കെ വിളിച്ചു കയറ്റലാണ്‌ ഇപ്പോള്‍ അവിടെ നടക്കുന്നത്‌. സമര്‍ഥരായ കുറേപ്പേരെ ചേര്‍ത്തുവെന്നാണ്‌ മാനേജരുടെ അവകാശവാദം. സാമര്‍ഥ്യം അളക്കുന്ന ഉപകരണം എവിടെ കിട്ടുമെന്നു മാത്രമറിയില്ല. സമീപകാലത്തു വന്ന പുതിയ അംഗങ്ങളില്‍ പലരും സ്വാഗതം ആശംസിക്കുന്ന മെയിലിനു പോലും മറുപടിയിട്ടിട്ടില്ല. അവരൊക്കെ ഈ വിവരം അറിഞ്ഞോ ആവോ? പത്രപ്രവര്‍ത്തകരുള്‍പ്പെടെ പലരും പുതുതായി വന്നു എന്നു പറയുമ്പോള്‍ പത്രപ്രവര്‍ത്തകരായ പലരും ഇറങ്ങിപ്പോയ കാര്യം മാനേജര്‍ മിണ്ടുന്നില്ല. മാരീചന്റെ ബോസിനേയും പിടിച്ചു ഗ്രൂപ്പില്‍ ചേര്‍ത്തത്രെ. പാവം അദ്ദേഹം അഭ്യര്‍ഥിച്ചിട്ടൊന്നുമല്ല, വെറുതേ വിളിച്ചു കയറ്റിക്കാണും. മാനേജരുടെ തനിനിറം മനസ്സിലാകുമ്പോള്‍ തനിയെ ഇറങ്ങിപ്പൊയ്‌ക്കൊള്ളും.....

Calicocentric കാലിക്കോസെന്‍ട്രിക് said...

Too much age difference.